கொழும்பு: இலங்கையில் செக்ஸ் படங்களில் நடிக்கும் 83 நடிகர் நடிகைகளை கைது செய்யும் வேலையில் மும்முரமாக இறங்கியுள்ளனர் போலீசார்.
செக்ஸ் படங்களில் நடிப்பவர்கள் என அறியப்பட்ட நடிகர் நடிகைகளின் படங்களை பத்திரிகைகளில் விளம்பரங்களாக வெளியிட்டும், பொது இடங்களில் நோட்டீஸ் ஒட்டியும் அடையாளம் காட்டி கைது செய்யுமாறு கொழும்பு கோர்ட் கடந்த நவம்பர் 4-ம் தேதி உத்தரவிட்டது.
இதைத் தொடர்ந்து இலங்கை போலீசார், செக்ஸ் நடிகர் – நடிகைகள் 83 பேரின் புகைப்படங்களை முக்கிய நாளிதழ்களில் விளம்பரங்களாக வெளியிட்டு, தேடப்படும் குற்றவாளிகளாக அறிவித்துள்ளது.
இவர்களின் படங்கள் முக்கிய இடங்களிலும் போஸ்டர்களாக ஒட்டப்பட்டுள்ளன.
இந்தப் புகைப்படங்களை பல்வேறு ஆபாச இணையதளங்களிலிருந்து இலங்கை போலீசார் எடுத்துள்ளனர். சம்பந்தப்பட்ட நடிக – நடிகையர் கைது செய்யப்பட்டால், அவர்களுக்கு ஆபாச தடுப்புச் சட்டப்படி 6 மாதங்கள் தண்டனை கிடைக்கும்.
இதே போல, 100க்கும் மேற்பட்ட இலங்கை ஆபாச இணையதளங்கள் முடக்கப்பட்டுள்ளன.
Post a Comment