உத்தமபுத்திரன் - விமர்சனம்

Tuesday, 16 November 2010 03:51 | Posted by Paraman

Uthama Puthiran Review in Tamil, Uthama Puthiran Tamil Review

நடிகர் : தனுஷ்
நடிகை : ஜெனிலியா
இயக்குனர் :மித்ரன் ஆர்.ஜவஹர்

குட்டி, யாரடி நீ மோகினி உள்ளிட்ட தெலுங்கு ரீ-மேக் படங்களில் இணைந்த தனுஷும், டைரக்டர் மித்ரன் ஆர்.ஜவஹரும் மீண்டும் இணைந்து ரீ-மேக் செய்திருக்கும் ஒரு தெலுங்கு படம்தான் உத்தமபுத்திரன் தமிழ்படம்.

கதைப்படி தனுஷும், ஜெனிலியாவும் காதலர்கள். இந்த காதலுக்கு தனுஷ் குடும்பம் ஏகப்பட்ட உதவிகளை செய்கிறது. ஆனால் இவர்களது காதல் கைகூடக் கூடாது என உபத்திரவம் செய்கின்றனர் வில்லன்கள். அவர்கள் யார்? அவர்களை தனுஷ் எப்படி முறியடிக்கிறார் என்பதை காமெடியாகவும், கலக்கலாகவும் சொல்கிறது உத்தமபுத்திரன் படத்தின் மொத்த கதையும்.

தனுஷ் வழக்கம்போலவே அப்பாவி இளைஞராகவும், அடிதடி ஹீரோவாகவும் அசத்தியிருக்கிறார். ஜெனிலியா பொம்மை மாதிரி வந்து போனாலும் தன் பெண்மையால் ரசிகர்களை கவருகிறார். இரண்டு டஜன் நட்சத்திர பட்டாளங்கள் படத்தில் இருக்கிறார்கள்.

விஜய் ஆண்டனியின் இதமான இசையும், பாலசுப்பிரமணியத்தின் அழகிய ஒளிப்பதிவும் குளுமை. தீபாவளிக்கு வந்த படங்களிலேயே குடும்பத்துடன் பார்க்கக் கூடிய ஜனரஞ்சகமான படம் என்பதால் உத்தமபுத்திரன் ஓ.கே.

உத்தமபுத்திரன் - ஓ.கே. மித்ரன்!