'வந்தான் வென்றான்' படத்துக்காக, ஜீவா குத்துச்சண்டை கற்று வருகிறார்.வாசன் விஷுவல் நிறுவனம் சார்பில் கே.எஸ்.சீனிவாசன் தயாரிக்கும் படம் 'வந்தான் வென்றான்'. ஜீவா, டாப்ஸி நடிக்கிறார்கள். படம் பற்றி இயக்குனர் ஆர்.கண்ணன் கூறியதாவது: 'வந்தான் வென்றான்' எல்லா அம்சங்களும் நிறைந்த ஆக்ஷன் படம். படத்தின் ஹீரோ ஜீவா குத்துச்சண்டை வீரர். அவரை ஒரு சம்பவம் மும்பை வரை துரத்துகிறது. அதை அவர் எப்படி வென்று திரும்புகிறார் என்பது கதை. ஜீவாவின் தொழில் குத்துச்சண்டை என்பதை தவிர, படத்தில் குத்துச்சண்டைக்கென்று பெரிய முக்கியத்துவம் எதுவுமில்லை. ஆனாலும் ஒரு குத்துச்சண்டை வீரனின் பாடி லாங்குவேஜ், சண்டைகளில் அந்த சாயல் இருக்க வேண்டும் என்பதற்காக ஜீவா குத்துச்சண்டை பற்றிய அடிப்படை விஷயங்களை மாஸ்டர் ஒருவரிடம் கற்று வருகிறார். ஹீரோயின் டாப்ஸிக்கு சென்னை பெண்ணின் சாயல் இருக்கிறது. படத்துக்காக முன்பை விட ஸ்லிம்மாகியிருக்கிறார். முதல்கட்ட படப்பிடிப்பு சென்னையில் முடிந்துள்ளது. அடுத்தகட்ட படப்பிடிப்பு மும்பையில் ஒரு மாதம் நடக்க இருக்கிறது.
Source: Dinakaran
Post a Comment