12/15/2010 10:25:55 AM
கிச்சா இயக்கியுள்ள 'பவானி' படம், வரும் 24&ம் தேதி ரிலீஸ் ஆகிறது. இதில் ஹீரோயினாக நடித்துள்ள சினேகா நிருபர்களிடம் கூறியதாவது: விஜயசாந்தி நடித்த 'வைஜயந்தி ஐ.பி.எஸ்' படத்தின் ரீமேக் இது. முழுமையான ஆக்ஷன் படம். கடுமையாக பயிற்சி செய்து சண்டைக் காட்சிகளில் நடித்துள்ளேன். நான் நடிக்கும் முதல் ஆக்ஷன் படம். வழக்கமாக நான் நடித்த படங்களில் காதலுக்கு முக்கியத்துவம் இருந்தது. இதில் ஆக்ஷன் இருந்ததால் வித்தியாசமாக இருக்கட்டுமே என்று நடிக்க ஒப்புக்கொண்டேன். இந்த படத்தை ரசிகர்கள் வரவேற்றால் ஆக்ஷன் படங்களுக்கு தொடர்ந்து முக்கியத்துவம் கொடுப்பேன்.
இதில் அரசியல்வாதிகளை எதிர்க்கும் போலீஸ் அதிகாரியாக நடிக்கிறேன். முந்தைய படத்தில் நடித்த விஜயசாந்தி அரசியல்வாதியாகி விட்டார். நீங்களும் அரசியலுக்கு வருவீர்களா என்கிறார்கள். எனக்கும் அரசியலுக்கும் தொடர்பில்லை. அது எனக்கு தேவையுமில்லை. இதில் நடிக்க முன்னாள் போலீஸ் அதிகாரி கிரண்பேடியை முன்மாதிரியாக எடுத்துக் கொண்டேன். எனக்கு பிடித்த படங்களில் இதுவும் ஒன்று.
Post a Comment