5/30/2011 10:48:39 AM
'மைனா'வுக்கு பிறகு பிரபு சாலமன் இயக்கும் படத்துக்கு பெயரிடவில்லை. இப்படத்துக்கு ஹீரோயின் கிடைக்காததால், படப்பிடிப்பு தொடங்க தாமதமானது. இப்போது லட்சுமி மேனன் என்ற ஹீரோயின் தேர்வாகியுள்ளார். இதுகுறித்து பிரபு சாலமன் கூறியதாவது: மலைவாழ் பெண் தோற்றத்தில் ஹீரோயின் தேடினேன். 100 புதுமுகங்களுக்கு மேல் தேடியும் அமையாத நிலையில், மலையாள நடிகை லட்சுமி மேனன் கிடைத்தார். அவருக்கு மேக்கப் மற்றும் வசன உச்சரிப்பு டெஸ்ட் நடத்தியதில் தேர்வாகியுள்ளார். ஹீரோ கிடைக்கவில்லை. 'முள்ளும் மலரும்' ரஜினி மாதிரி ஒரு புதுமுகத்தை தேடுகிறேன். முக்கிய வேடத்தில் தம்பி ராமய்யா நடிக்கிறார். சுகுமார் ஒளிப்பதிவு செய்கிறார். இமான் இசை. யுகபாரதி பாடல்கள். ஜூலையில் ஷூட்டிங் தொடங்குகிறது. ஆசியாவிலேயே இரண்டாவது பெரிய நீர்வீழ்ச்சி, கர்நாடகாவிலுள்ள ஜோக்பால்ஸ். இதன் தரைமட்டத்தில் இதுவரை யாரும் ஷூட்டிங் நடத்தியது இல்லை. முதல்முறையாக நான் படப்பிடிப்பு நடத்துகிறேன்.
Post a Comment