தில், தூள், கில்லி என வெற்றிப் படங்களாகத் தந்த தரணி, இடையில் பங்காரம், குருவி என லேசாக சறுக்கினார். ஒரு கட்டத்தில் என்ன ஆனார் என்றே தெரியாமல் போய்விட்டது.
இப்போது அடுத்தடுத்து இரண்டு படங்களை இயக்குகிறார். இவற்றில் ஒரு படத்தில் ஹீரோ சிம்பு.
சல்மான்கான் இந்தியில் நடித்து பெரும் வெற்றி பெற்ற தபாங் படத்தின் தமிழ் ரீமேக் இது. நாயகியாக தெலுங்கு நடிகை ரிச்சா அறிமுகமாகிறார்.
கோபிநாத் ஒளிப்பதிவு செய்ய, மணிராஜ் கலை இயக்கத்தை கவனிக்கிறார். தமன் இசையமைப்பாளராக ஒப்பந்தம் செய்யப்பட்டுள்ளார்.
இப்படத்திற்கான பூஜை 9ம் தேதி திங்கள்கிழமை காலை ஏ.வி.எம் விநாயகர் கோவிலில் வைத்து நடைபெற உள்ளது. இவ்விழாவில் சிறப்பு விருந்தினராக இந்தி டபாங் படத்தின் தயாரிப்பாளரும் சல்மான்கான் சகோதராருமான அர்பாஸ் கான் பங்கேற்கிறார்.
படத்தின் பெயர் பூஜையன்று அறிவிக்கப்படும்.
Post a Comment