6/22/2011 11:40:50 AM
இந்திய கிரிக்கெட் அணியின் வேகப்பந்து வீச்சாளர் ஜாகீர்கானுடன் சேர்ந்து வாழவில்லை என்றார் இந்தி நடிகையும் நடன கலைஞருமான இஷா ஷெர்வானி. கடந்த சில வருடங்களாக பழகி வரும் இஷாவும் ஜாகிரும் விரைவில் திருமணம் செய்ய உள்ளதாக தகவல்கள் வெளியானது. இந்த வருட இறுதிக்குள் ஜாகீர்கானுக்கு திருமணம் செய்து வைக்க பெற்றோர் தீவிரம் காட்டி வருகிறார்கள். எனவே இஷாவைத்தான் ஜாகீர் திருமணம் செய்வார் என்று தகவல்கள் வெளியானது. இதுபற்றி இஷா கூறியதாவது: நான் ஜாகீர்கானுடன் சேர்ந்து வாழ்வதாக தகவல் பரப்பி விடுகிறார்கள். நான் அவருடன் சேர்ந்து வாழவில்லை. எதிர்காலத்தில் அவரை திருமணம் செய்யும் திட்டமும் இல்லை. இதுபோன்ற வதந்திகள் எங்கிருந்து வருகிறது என்று தெரியவில்லை. இந்த செய்திகளுக்கு பதில் அளிப்பதை நிறுத்தி விட்டேன். ஆனால் என் குடும்பத்தினர் இதை படித்து விட்டு கவலை அடைகிறார்கள். அவர்களை சமாதானப்படுத்துவதற்குள் போதும் போதும் என்றாகி விடுகிறது. பிரபலமாக இருப்பவர்கள் அந்த பிரபலத்துக்கு கொடுக்கும் விலை இது என்று நினைக்கிறேன். ஆனாலும் மிகவும் வருத்தமாக உள்ளது. இவ்வாறு அவர் கூறினார்.
கமல்ஹாசன் இயக்கி நடிக்கும் 'விஸ்ரூபவம்' படத்தில் நடிப்பது பற்றி கேட்டதற்கு அவர் பதில்சொல்ல மறுத்துவிட்டார்.
Post a Comment