நட்சத்திர திருமணங்கள்.... கோலிவுட்டுக்கு அறிவிக்கப்படாத லீவு!

Thursday, 30 June 2011 18:53 | Posted by Tamil

சென்னை: நடிகர் கார்த்தி மற்றும் இயக்குனர் செல்வராகவனின் திருமணம் ஒரே நாளில் ஜூலை 3-ம் தேதி நடக்கிறது.

கார்த்தி - ரஞ்சனி திருமணம் கோவையிலும், செல்வராகவன் - கீதாஞ்சலி திருமணம் சென்னையிலும் நடக்கிறது.

இரண்டு திருமணங்களுமே முக்கியம் என்பதால், எந்த திருமணத்துக்கு யார் யார் போவது என இப்போதே திட்டமிட்டு வருகின்றனர் திரையுலகப் பிரமுகர்கள்.

கார்த்தி - ரஞ்சனியின் திருமணத்துக்கு சீனியர் நடிகர் நடிகைகள் அனைவருமே கிளம்பிச் செல்கிறார்கள். கமல் உள்ளிட்ட நடிகர்கள் கோவை சென்று திருமணத்துக்கு வாழ்த்து தெரிவிப்பார்கள் என்று தெரிகிறது.

அதேநேரம், செல்வராகவன் திருமணம் சென்னையிலேயே நடப்பதால், இங்குள்ள நட்சத்திரங்கள் அனைவருமே அதில் கலந்து கொள்கிறார்கள்.

இதனால் ஜூலை 3-ம் தேதி கோடம்பாக்கத்துக்கே அறிவிக்கப்படாத விடுமுறை தினமாக மாறியுள்ளது. அன்றைய தினம் அனைத்துப் படப்பிடிப்புகளும் ரத்து செய்யப்பட்டுள்ளன. ஆனால் இதனை ஒரு அறிவிப்பாக வெளியிடவில்லை திரையுலக சங்கங்கள்.

திருமணம்தான் ஒரே நாள்... ஆனால் வரவேற்பு நிகழ்ச்சி வெவ்வேறு தினங்களில் வைக்கப்பட்டுள்ளது.

செல்வராகவனின் திருமண வரவேற்பு ஜூலை 4-ம் தேதி மேயர் ராமநாதன் செட்டியார் ஹாலில் நடக்கிறது. கார்த்தி-ரஞ்சனி திருமண வரவேற்பு ஜூலை 7-ம் தேதி ஹோட்டல் லீ ராயல் மெரிடியனில் நடக்கிறது.