7/2/2011 10:10:04 AM
என்.ராதா வழங்கும் ஸ்ரீதேனாண்டாள் பிலிம்ஸ், ராகவேந்திரா புரொடக்ஷன் இணைந்து தயாரிக்கும் படம், 'காஞ்சனா'. இது, ராகவா லாரன்ஸ் இயக்கி நடித்த 'முனி' படத்தின் 2ம் பாகம். இதில் சரத்குமார் புதுமையான வேடத்தில் நடிக்கிறார். லட்சுமிராய் ஹீரோயின். ஒளிப்பதிவு, வெற்றி-கிருஷ்ணசாமி. இசை, தமன். பாடல்கள்: விவேகா, வேல்முருகன். ஹீரோவாக நடிக்கும் ராகவா லாரன்ஸ், இதன் கதை, திரைக்கதை, வசனம், பாடல், நடனம், இயக்கம் ஆகிய பொறுப்புகளை ஏற்றுள்ளார். படம் பற்றி அவர் கூறியதாவது:
திகில் காட்சிகளுடன் காமெடி மற்றும் ஆக்ஷன் கலந்த படமாக இது உருவாகியுள்ளது. டிரைலர் மற்றும் பாடல் காட்சிகளை பார்த்த இந்தி நடிகர் சல்மான்கான், இதை இந்தியில் ரீமேக் செய்ய விருப்பம் தெரிவித்துள்ளார். சரத்குமாருக்கு இதுவரை எந்த படத்திலும் கிடைக்காத வேடம். இதற்காக தனது கெட்டப்பை மாற்றி நடித்தார். பிரமாண்டமான சாமி சிலை முன் ஆயிரக்கணக்கான நடனக்கலைஞர்கள் மற்றும் துணை நடிகர், நடிகைகளுக்கு மத்தியில் ஆவேசத்துடன் நான் ஆடி நடித்த கிளைமாக்ஸ் பாடல் காட்சி பரவசமாக இருக்கும். முக்கிய கேரக்டரில் திருநங்கை பிரியா நடிக்கிறார். இம்மாதம் ரிலீசாகிறது.
Post a Comment