7/26/2011 10:03:52 AM
உடல்நல குறைவால் மருத்துவமனையில் அனுமதிக்கப்பட்ட நடிகர் ரவிச்சந்திரன் நேற்று மாலை இறைவனிடம் சேர்ந்தார். தமிழ் திரையுலகில் 1960 மற்றும் 70 களில் முன்னணி கதாநாயகனாக இருந்தவர் ரவிச்சந்திரன். திருச்சியில் புனித ஜோசப் கல்லூரியில் படித்து பட்டம் பெற்ற இவரை இயக்குனர் ஸ்ரீதர் 1964-ல் காதலிக்க நேரமில்லை என்ற படத்தின் மூலம் கதாநாயகனாக திரையுலகிற்கு அறிமுகப்படுத்தினார். வெள்ளி விழா நடிகர் என்று பாராட்டப்படும் அளவுக்கு ஏராளமான வெற்றிப்படங்களில் நடித்துள்ளார். இவர் கடைசியாக நடித்த படம் 'ஆடு புலி'.நடிகர் ரவிச்சந்திரனுக்கு மனைவி விமலா, மகன்கள் அம்சவர்த்தன் பாலாஜி, ஜார்ஜ், மகள் லாவண்யா உள்ளனர். ரவிச்சந்திரனின் உடல் தியாகராய நகரில் சாய் மஹால் திருமண மண்டபத்தில் ரசிகர்கள் அஞ்சலிக்காக வைக்கப்பட்டுள்ளது. இன்று மாலை பெசன்ட் நகர் மின் மயானத்தில் இறுதிச் சடங்குகள் நடைபெறும் என்று தெரிவிக்கப்பட்டுள்ளது.
நடிகர் ரவிச்சந்திரன் மரணம்!
Post a Comment