7/23/2011 12:30:56 PM
விஷால் நடிக்கும் 'பிரபாகரன்' படத்தின் பெயர் 'வெடி' என்று மாற்றப்பட்டுள்ளதாகக் கூறப்படுகிறது. இதுபற்றி விஷால் கூறியதாவது: 'பிரபாகரன்' என்ற பெயர் மாற்றப்பட இருப்பது உண்மை. ஒரு சென்சிட்டிவான பெயரை வைத்து மற்றவர்களுக்கு தர்மசங்கடத்தை உருவாக்க வேண்டாம் என்பதால் பெயரை மாற்ற முடிவு செய்திருக்கிறோம். படத்தில் என் கேரக்டர் பெயர் பிரபாகரன். அதனால் அந்த பெயரை வைக்க முடிவு செய்திருந்தோம். புதிய பெயரை இயக்குனர் பிரபுதேவா முடிவு செய்வார். அது 'வெடி'யா என்பது பற்றி முடிவு செய்யவில்லை. தற்போது கொல்கத்தாவில் படப்பிடிப்பு நடந்து வருகிறது. 'அவன் இவன்' படத்துக்குப் பிறகு இரண்டு ஹீரோ சப்ஜெக்ட்டுகளில் நடிக்க நிறைய வாய்ப்பு வந்தது. இப்போதைக்கு ஒப்புக் கொள்ளவில்லை. இரண்டு ஹீரோக்கள் படங்கள் வருவது சினிமாவுக்கு ஆரோக்கியமானது. ஒரே டிக்கெட்டில் இரண்டு ஹீரோக்கள் படம் பார்த்த திருப்தி ரசிகனுக்கு கிடைக்கும். ஆனால் இரண்டு ஹீரோ கதைகளை நல்ல இயக்குனர்களால் மட்டுமே கையாள முடியும்.
Post a Comment