7/29/2011 3:01:56 PM
மம்தா கூறியது: மகிழ் திருமேனி இயக்கும் 'தடையறத் தாக்கÕ படத்தில் அருண் விஜய் ஜோடியாக நடிக்கிறேன். இதில் ஏற்கனவே பிராச்சி தேசாய் நடிப்பதாக இருந்தது. அவர் விலகிவிட்டார். அவர் ஏன் விலகினார் என்பது எனக்கு தெரியாது. இப்படத்தில் ஹீரோயினாக யாரை போடலாம் என்று யோசித்தபோதே என் பெயரையும் பரிசீலித்ததாக கூறினார் இயக்குனர். மலையாள படம் ஒன்றில் நடித்து வந்தேன். அதன் ஷூட்டிங் ஒரு மாதம் தள்ளிப்போனதால் உடனடியாக கால்ஷீட் தர முடிந்தது. தமிழ் படங்களில் நடிப்பதை நான் நிறுத்திவிட்டதாக புரளி கிளப்பி இருக்கிறார்கள். அப்படி எந்த முடிவும் எடுக்கவில்லை. ஏற்கனவே 'சிவப்பதிகாரம்Õ, 'குரு என் ஆளுÕ படத்தில் நடித்திருக்கிறேன். பிரபல ஹீரோக்களுடன்தான் ஜோடியாக நடித்தேன். ஆனால் அப்படத்தின் போஸ்டர்களில் என் போட்டோவை போடாமல் இயக்குனர்கள் இருட்டடிப்பு செய்துவிட்டனர். சிலர் இதைக் கூறிய பின்தான் எனக்கே தெரிந்தது. அது வருத்தம் அளித்தது. மேலும் என்னை வழிநடத்துவதாக கூறி, என் பெயருக்கு களங்கம் ஏற்படுத்திவிட்டார்கள். அது பற்ற¤ பேச விரும்பவில்லை.
Post a Comment