8/10/2011 11:40:21 AM
ஹீரோக்களின் அம்மாவாக நடிக்க மாட்டேன் என்று தேவயானி கூறினார். நிருபர்களிடம் அவர் கூறியதாவது: சினிமாவில் புகழ் பெற்ற அளவுக்கு சின்னத்திரையும் எனக்கு புகழைக் கொடுத்தது. சின்னத்திரையில் பிசியாக இருப்பதால் பெரிய திரையில் நடிக்க நேரம் இல்லை. நிறைய வாய்ப்புகள் வருகிறது. எல்லாமே சாதாரண கேரக்டர்களாக இருக்கிறது. சில ஹீரோக்களுக்கு அம்மாவாக நடிக்க வந்த வாய்ப்பை மறுத்துவிட்டேன். நான் ஜோடியாக நடித்த ஹீரோக்களுக்கு அம்மாவாக நடிப்பது ரசிகர்களுக்கு பிடிக்காது. எனக்கு இன்னும் வயதாகிவிடவில்லை. 100 படங்கள் வரை நடித்து விட்டேன். எல்லாவிதமான கேரக்டரிலும் நடித்தாகிவிட்டது. இனி சினிமாவில் நடிப்பதாக இருந்தால் சவாலான கேரக்டராக இருக்க வேண்டும். எனது திறமையையும், உழைப்பையும் வெளிக்கொண்டு வரும் படமாக இருக்க வேண்டும். என் கணவர் இயக்கி வரும் படத்தில் அப்படி ஒரு கேரக்டரில் நடிக்கிறேன்.
Post a Comment