8/10/2011 11:51:19 AM
'வேட்டை' பட ஷூட்டிங்கில் நடந்த விபத்தில் சமீரா ரெட்டி காயமடைந்தார். லிங்குசாமி இயக்கத்தில் மாதவன், ஆர்யா, சமீரா, அமலா பால் நடிக்கும் படம் 'வேட்டை'. இதன் ஷூட்டிங் கடந்த சில நாட்களாக, குற்றாலத்தில் நடந்து வந்தது. அக்காள், தங்கையாக நடிக்கும் சமீரா, அமலா பால் பங்குபெறும் பாடல் காட்சியை இரு தினங்களுக்கு முன் படமாக்கினர். இரண்டு டூவீலர்களில் அமலாவும் சமீராவும் பாடிக்கொண்டு வருவது போல் காட்சி. அப்போது எதிர்பாராத விதமாக அமலாபால் ஓட்டி வந்த டூவீலர், சமீரா மீது மோதி விழுந்தது. இதில் சமீராவின் கையில் காயம் ஏற்பட்டு ரத்தம் கொட்டியது. இதையடுத்து ஷூட்டிங்கை நிறுத்திய படக்குழுவினர், அருகில் உள்ள மருத்துவமனைக்கு அவரை அழைத்து சென்றனர். அங்கு சிகிச்சை அளிக்கப்பட்டது. இதுபற்றி சமீராவிடம் கேட்டபோது, ''பெரிய காயம் ஏதுமில்லை. வண்டி மோதியதால் கையில் காயம் ஏற்பட்டு ரத்தம் கொட்டியது. சிகிச்சை எடுத்துக்கொண்டு மீண்டும் நடித்தேன்'' என்றார்.
Post a Comment