ராஜபாட்டையைக் கைவிட்டது 'சன்'!

Sunday, 20 November 2011 15:38 | Posted by Tamil

ராஜபாட்டை படத்தை வாங்கியதாக கூறப்பட்ட சன் பிக்சர்ஸ் நிறுவனம், தற்போது அதை கைவிட்டு விட்டதாம். இதற்கா காரணம் தெளிவாகத் தெரியவில்லை.

ராஜபாட்டை படத்தை நாங்கள் வாங்கி விநியோகிக்கவில்லை என்று சன் பிக்சர்ஸ் நிறுவன தலைமை செயலதிகாரி செம்பியன் சிவக்குமார் தெரிவித்துள்ளார். இதனால் டிசம்பர் 16ம் தேதிக்கு வரும் என்று எதிர்பார்க்கப்பட்ட ராஜபாட்டையின் ரிலீஸ் தற்போது மேலும் தள்ளிப் போகும் என்று எதிர்பார்க்கப்படுகிறது.

விக்ரம் நாயகனாக நடிக்கும் இப்படத்தில், தீக்ஷா சேத், மித்ரா குரியன் ஆகியோர் முக்கிய வேடத்தில் நடித்துள்ளனர். சுசீந்திரன் படத்தை இயக்கியுள்ளார். அதிரடி ஆக்ஷன் படமான இதை பிவிபி சினிமா தயாரித்துள்ளது. ரூ.40கோடியில் உருவாகியுள்ள ராஜபாட்டையை முதலில் சன் பிக்சர்ஸ் வாங்கியதாக தகவல்கள் கூறின. தற்போது அதை சன் பிக்சர்ஸ் மறுத்துள்ளது.