ஒலிம்பியா மூவீஸ் சார்பில் எழில், அம்பேத்குமார், ரஞ்சீவ் மேனன் தயாரிக்கும் படம், 'மனம் கொத்திப் பறவை'. சிவகார்த்திகேயன், ஆத்மியா, இளவரசு, சூரி, ரவிமரியா உட்பட பலர் நடிக்கின்றனர். ஒளிப்பதிவு, சூரஜ் நல்லுசாமி. இசை, இமான். பாடல்கள், யுகபாரதி. படத்தை இயக்கும் எழில், நிருபர்களிடம் கூறியதாவது: நான் இயக்கிய 'துள்ளாத மனமும் துள்ளும்', 'பெண்ணின் மனதைத் தொட்டு' உட்பட பல படங்கள் நகரம் சார்ந்த கதைகளை கொண்டது. இப்போது கிராமத்துக் காதல் கதையுடன் இந்தப் படத்தை இயக்குகிறேன். காமெடிக்கும், யதார்த்தத்துக்கும் முக்கியத்துவம் இருக்கும். தஞ்சையிலுள்ள என் சொந்த கிராமத்தில் ஷூட்டிங் நடக்கிறது. இக்கதையை பலரிடம் சொன்னபோது, யாரும் தயாரிக்க முன்வரவில்லை. பிறகு நண்பர்களுடன் இணைந்து நானே தயாரிக்கிறேன். இந்தப் படம் ரசிகர்களுக்கு புது அனுபவமாக இருக்கும்.
Post a Comment