புதுப்பட டிவிடி விற்பனை - பர்மா பஜாரில் 2 பேர் கைது

Thursday, 5 January 2012 22:30 | Posted by Tamil

சென்னை: சென்னை பர்மா பஜார் நடைபாதை கடைகளில் இருந்து 400 புதுப்படம் மற்றும் 100 ஆபாச டிவிடிக்களை போலீசார் பறிமுதல் செய்தனர்.

திருட்டு டிவிடிக்கள் விற்ற 2 பேர் கைது செய்யப்பட்டனர்.

சென்னை பாரிமுனை பர்மா பஜார் அருகே நடைபாதையில் புதுப்பட டிவிடி, ஆபாச டிவிடி விற்பனை செய்யப்படுவதாக போலீசுக்கு தகவல் கிடைத்ததன்பேரில் வடக்கு கடற்கரை இன்ஸ்பெக்டர் ராமமூர்த்தி மற்றும் போலீசார் அப்பகுதியில் அதிரடி சோதனை நடத்தினர்.

இதில் அங்கு விற்பனை செய்யப்பட்ட மெளனகுரு, போராளி, ராஜபாட்டை உள்ளிட்ட படங்களின் 400 டிவிடிக்கள் 400 மற்றும் 100 ஆபாச டிவிடிக்கள் பறிமுதல் செய்யப்பட்டன.

இவற்றை விற்ற தண்டையார்பேட்டையை சேர்ந்த முகமது (37), அம்பத்தூர் பாடியை சேர்ந்த சரவணன் (33) ஆகியோர் கைது செய்யப்பட்டனர்.