டி.கே.எம் பிலிம்ஸ் சார்பில் எஸ்.ஏ.ஜலாலுதீன், ஷேக் முகமது தயாரிக்கும் படம், 'அமரா'. அமரன், ஸ்ருதி ஜோடி. கஞ்சா கருப்பு, ஆஷிஷ் வித்யார்த்தி உட்பட பலர் நடிக்கின்றனர். எழுதி ஒளிப்பதிவு செய்து இயக்கும் ஜீவன், கூறியதாவது: 'மயிலு', 'ஞாபகங்கள்' படங்களுக்குப் பிறகு நான் இயக்கும் படம் இது. ஹீரோயின் தந்தையாக, ஆஷிஷ் வித்யார்த்தி நடிக்கிறார். மற்ற மொழிகளில் அவர் பிஸியாக இருந்ததால், கிளைமாக்ஸ் காட்சியைப் படமாக்க, அவருக்காக 2 மாதங்கள் காத்திருந்தோம். கடந்த வாரம்தான் அவர் வந்தார். படப்பிடிப்பை முடித்தோம். நண்பர்களை நிர்ணயிக்கலாம். எதிரிகளை நிர்ணயிக்க முடியாது. அவர்கள் தானாகவே உருவாகிறார்கள். இதுதான் ஒன்லைன். இந்தப் படத்தை இயக்கிக்கொண்டே, பிரபு சாலமன் தயாரிக்கும் 'சாட்டை' படத்துக்கு ஒளிப்பதிவு செய்து வருகிறேன்.
Post a Comment