'ராவணன்' படத்துக்குப் பிறகு மணிரத்னம் இயக்கும் படத்துக்கு 'கடல்' என்று பெயரிடப்பட்டுள்ளது. இதில் கார்த்திக் மகன் கவுதம் ஹீரோவாக நடிக்கிறார். அவர் ஜோடியாக சமந்தா நடிக்கிறார். முக்கிய கேரக்டரில் அர்ஜுன், அரவிந்தசாமி நடிக்கின்றனர். மேலும் லட்சுமி மஞ்சு, தம்பி ராமையா உட்பட பலர் நடிக்கின்றனர். தென்மாவட்ட மீனவ கிராம பின்னணியில் இக்கதை அமைக்கப்பட்டுள்ளது. இலங்கை ராணுவத்தால் மீனவர்கள் தாக்கப்படும் விஷயமும் அதைத்தொடர்ந்து நடக்கும் போராட்டங்களையும் இப்படம் பேசும் என்று கூறப்படுகிறது. மணிரத்னத்தின் மெட்ராஸ் டாக்கீஸ் நிறுவனம் தயாரிக்கிறது. ஏ.ஆர்.ரகுமான் இசை அமைக்கிறார். ராஜீவ் மேனன் ஒளிப்பதிவு செய்கிறார். வைரமுத்து, மதன் கார்க்கி பாடல்கள் எழுதுகின்றனர். தமிழ், தெலுங்கில் தயாராகும் இப்படத்தில் நடிப்பது பற்றி சமந்தா கூறும்போது, ''இது காதல் கதை. வரும் 11ம் தேதி ஷூட்டிங்கில் கலந்துகொள்கிறேன். மணிரத்னம் படத்தில் நடிக்க வேண்டும் என்பது கனவு. அது நனவாகியிருக்கிறது'' என்றார்.
Post a Comment