முக்தா சீனிவாசன் திரைத்துறைக்கு வந்து 65 ஆண்டுகள் நிறைவடைந்துள்ளது. 42 படங்கள் தயாரித்து, இயக்கியுள்ளார். இப்போது 'முக்தா என்டர்டெயின்மென்ட்' என்ற நிறுவனத்தை, தனது சகோதரர் வி.ராமசாமியின் மகன் முக்தா கோவிந்துடன் இணைந்து தொடங்கியுள்ளார். இந்நிறுவனம் சார்பில், நீண்ட இடைவெளிக்குப் பிறகு முக்தா சீனிவாசன் படம் இயக்குகிறார். அதற்கு 'இந்திய நடனங்கள்' என்று பெயரிடப்பட்டுள்ளது. இதுகுறித்து அவர் கூறும்போது, 'நாகரீகம் வளர, வளர நமது கலாசார பதிவுகளாகப் போற்றப்படும் பல விஷயங்கள் காணாமல் போய்விட்டன. அதில் இன்னமும் நிலைத்து நிற்பது, நடனம் மட்டுமே. பரத நாட்டியக் கலைஞர் பிரியதர்ஷினி கோவிந்த் ஆலோசனையில் இதை உருவாக்குகிறேன்' என்றார்.
Post a Comment