இந்தியில் ரிலீசான 'குல்லு தாதா', தமிழில் 'லொள்ளு தாதா பராக் பராக்' என்ற பெயரில் ரீமேக் ஆகிறது. புவியரசி சினி பிளானர் வழங்க, ராஜ்கென்னடி பிலிம்ஸ் தயாரிக்கிறது. ஒளிப்பதிவு, ரவி சீனிவாஸ். இதில் ஹீரோவாக நடிக்கும் மன்சூரலிகான் கூறியதாவது: கந்துவட்டிக்குப் பணம் கொடுத்து, அடவாடியாகப் பணம் வசூலிக்கும் தாதா வேடத்தில் நடிக்கிறேன். நல்லவனுக்கு நல்லவன், கெட்டவனுக்கு கெட்டவனாக வருவேன். 'ஒழுங்கா பணம் கட்டினா, ஒஸ்தியா வாழ்வே. இல்லாட்டி, நாஸ்தியா போயிடுவே' என்று, பஞ்ச் டயலாக் பேசுவேன். முழுநீள காமெடிப் படமாக உருவாகும் இப்படத்துக்கு நானே பாடல்கள் எழுதி, இசையமைக்கிறேன். புதுமுகம் ஷில்பா ஜோடி. ஊட்டி, குன்னூர், ஏலகிரி பகுதிகளில் ஷூட்டிங் நடக்கிறது.
Post a Comment