தனுஷ் நடிக்கும் படத்தை மீண்டும் இயக்க இருப்பதாக வெற்றிமாறன் கூறினார். சிம்பு நடிக்கும் 'வடசென்னை' படத்தை வெற்றிமாறன் இயக்குவதாக இருந்தது. இதில் தெலுங்கு நடிகர் ராணாவும் முக்கியமான கேரக்டரில் நடிப்பதாகவும் கூறப்பட்டது. திடீரென்று, ராணா விலகினார். இதையடுத்து சிம்பு அமெரிக்கா சென்றதால் படப்பிடிப்பு தள்ளிப் போனது. சென்னை திரும்பிய சிம்பு, 'வேட்டை மன்னன்', 'போடா போடி' படங்களில் கவனம் செலுத்தி வருவதால் 'வடசென்னை' ஷூட்டிங் தள்ளிப்போனதாகக் கூறப்படுகிறது. இந்நிலையில் தனுஷ் நடிக்கும் படத்தை வெற்றிமாறன் மீண்டும் இயக்குகிறார். இதுபற்றி வெற்றிமாறனிடம் கேட்டபோது, ''வடசென்னை படம் தவிரிக்க முடியாத சூழலால் தள்ளிப்போகிறது. அதில் சிம்புதான் ஹீரோவாக நடிக்கிறார். இப்போது தனுஷ் நடிக்கும் படத்தை இயக்க இருக்கிறேன். இது வேறு கதை. தற்போது நான் தயாரிக்கும் 'தேசிய நெடுஞ்சாலை' படத்தில் கவனம் செலுத்தி வருகிறேன். இதில் சித்தார்த் ஹீரோவாக நடிக்கிறார். மே 2-ம் தேதியிலிருந்து ஷூட்டிங் தொடங்குகிறது'' என்றார்.
Post a Comment