விஸ்வாஸ் ஹி லாட், புருஷோத்தம் தயாரிக்கும் படம், 'பாகன்'. ஸ்ரீகாந்த், ஜனனி அய்யர் ஜோடி. லக்ஷ்மன் ஒளிப்பதிவு. அஸ்லம் இயக்குகிறார். இந்த படத்துக்காக, நவீன கேமராவை வரவழைத்து ஷூட்டிங் நடந்துள்ளது. இது பற்றி அஸ்லம் கூறியதாவது: இந்தப்படத்தின் கிளைமாக்ஸ் சண்டைக்காட்சியை புதிய முறையில் படமாக்க நினைத்தோம். அதனால் சோனி எஃப் 65 என்ற கேமராவை வரவழைத்து ஷூட்டிங் நடத்தினோம். வழக்கமான கேமராவை விட இந்த கேமரா நவீன டெக்னிக்குகளை கொண்டது. ஒரு செகண்டுக்கு 120 பிரேம்கள் எடுக்கும் தன்மை கொண்டது. இந்தியாவிலேயே முதன்முறையாக இந்த கேமராவை சண்டைக்காட்சிக்கு நாங்கள் பயன்படுத்தியுள்ளோம். அதிக ரெசல்யூஷன் கொண்ட கேமரா என்பதால் காட்சிகள் துல்லியமாகத் தெரியும். இந்த கேமரா கொண்டு எடுக்கப்பட்ட காட்சிகள் வித்தியாசமான அனுபவத்தை கொடுக்கும். இவ்வாறு அஸ்லம் கூறினார்.
Post a Comment