கார்த்தி படத்துக்கு அடுத்தடுத்து சிக்கல்

Thursday, 10 May 2012 18:18 | Posted by Tamil

கார்த்தி நடிக்கும் 'சகுனி படம், அடுத்தடுத்து சிக்கலை சந்தித்து வருகிறது. 'பருத்திவீரன் கார்த்தியின¢ படங்கள் சமீபகாலமாக பிரச்னையில் சிக்கி வருகிறது. அவருக்கு நேரம் சரியில்லை என்று ஜோதிடர்கள் கூறியதையடுத்து சீன வாஸ்து பொருட்களை வாங்கி வீட்டில் வைத்திருக்கிறார். அவர் நடித்து வரும் 'அலெக்ஸ் பாண்டியன் பட ஷூட்டிங்கில் பெப்சியினர் புகுந்து பிரச்னை செய்தனர். இதை எதிர்த்து தயாரிப்பாளர்கள் ஒருநாள் ஸ்டிரைக் நடத்தினர். இந்நிலையில் கார்த்தி நடித்து வரும் 'சகுனியும் அடுத்தடுத்து பிரச்னைகளை சந்தித்து வருகிறது. இப்பட ஹீரோயின் பிரணிதா கால்ஷீட் பிரச்னை செய்ததால் ஷூட்டிங் தடைபட்டது. இதையடுத்து வில்லனாக நடித்துக் கொண்டிருந்த சலீம் கவுஸின் காட்சிகள் இயக்குனரை கவரவில்லை. இதனால் படத்திலிருந்து அவர் நீக்கப்பட்டார். அவருக்கு பதிலாக பிரகாஷ் ராஜ் ஒப்பந்தம் செய்யப்பட்டு ரீ ஷூட் நடத்தப்பட்டது.

இப்பிரச்னைகளுக்கு இடையே படத்தின் பாடல் கேசட் வெளியீட்டு விழா நாளை நடக்கப்போகிறது என்ற அறிவிப்பு வெளியானது. இதையடுத்து பட யூனிட் நிம்மதி பெருமூச்சு விட்டனர். ஆனால் அந்த நிகழ்ச்சியும் தற்போது தள்ளிப்போய் இருக்கிறது. நிகழ்ச்சி தள்ளிப்போனதை இசை அமைப்பாளர் ஜி.வி.பிரகாஷ் தன்னுடைய டுவிட்டர் பக்கத்தில் உறுதிப்படுத்தி இருக்கிறார்.