கமர்சியல் படங்களுக்கு நான் எதிரியில்லை என்று நந்திதா தாஸ் கூறினார். அவர் மேலும் கூறியதாவது: என் குழந்தைக்காக, சில காலம் நடிக்காமல் இருந்தேன். இப்போது அவள் பிறந்து 20 மாதங்கள் ஆகிறது. மீண்டும் நடிப்புக்கு திரும்பி இருக்கிறேன். ஏன் கமர்சியல் படங்களில் நடிப்பதில்லை என்கிறார்கள். நான் கமர்சியல் படங்களுக்கு எதிரியில்லை. இருந்தாலும் எனது நோக்கம் அந்த மாதிரியான படங்கள் அல்ல. நான் இதுவரை நடித்த படங்கள் எல்லாமே எனக்கு திருப்தியாக இருந்துள்ளன. தற்போது தமிழ், இந்தியில் தலா ஒரு படத்தில் நடிக்கிறேன். 'பிராக்' படத்துக்கு பிறகு அடுத்து எப்போது டைரக்ட் பண்ண போகிறீர்கள் என்று கேட்கிறார்கள். 'பிராக்' எனக்கு சவாலான படமாக இருந்தாலும் மனநிறைவை தந்த படம். அது போன்ற திருப்தியான கதையை தேடிக்கொண்டிருக்கிறேன். கிடைத்ததும் மீண்டும் படம் இயக்குவேன்.
Post a Comment