| அனுஷ்கா சென்னை: ஜார்ஜியாவில் நடந்த இரண்டாம் உலகம் படப்பிடிப்பில் அனுஷ்கா ஆர்யாவுக்கு யோகா கற்றுக் கொடுத்துள்ளார்.
செல்வ ராகவனின் இயக்கத்தில் ஆர்யா, அனுஷ்கா நடிக்கும் படம் இரண்டாம் உலகம். அந்த படத்தின் படப்பிடிப்பு ஜார்ஜியாவில் நடந்தது. அப்போது 80க்கும் மேற்பட்ட ஆண்கள் மத்தியில் ஒரே பெண்ணாக இருந்து எந்த குறையும் சொல்லாமல் சமத்தாக நடித்துக் கொடுத்துள்ளார் அனுஷ்கா. இதை நாயகன் ஆர்யா தான் தெரிவித்தார்.
நடிக்க வரும் முன்பு அனுஷ்கா யோகா வகுப்புகள் நடத்தி வந்தார் என்பது நாம் அறிந்ததே. மேலும் படப்பிடிப்பில் அவர் பலருக்கு யோகா கற்றுத் தருவதாகவும் நாம் செய்தி வெளியிட்டோம். இந்நிலையில் ஜார்ஜியாவில் நடந்த படப்பிடிப்பின்போது அனுஷ்கா ஆர்யாவுக்கு யோகா கற்றுக் கொடுத்துள்ளார்.
படப்பிடிப்பு முடிந்து சென்னை திரும்பியவுடன் ஆர்யா தினமும் யோகா செய்ய ஆரம்பி்த்துவிட்டார். ஜார்ஜியாவில் கற்ற யோகாவை சென்னைக்கு வந்ததும் சின்சியராக செய்து வருகிறார் ஆர்யா. ஏற்கனவே கும்மென்று இருக்கும் ஆர்யா இனி யோகா செய்து பிட்டாக இருக்கப் போகிறார்.
Post a Comment