டிஷ் டிவியின் தென்னிந்திய விளம்பரத்தூதுவராக நடிகர் ஜீவா நியமிக்கப்பட்டுள்ளார். விஜய், சூர்யா, மாதவன் வரிசையில் இனி ஜீவாவையும் விளம்பரங்களில் காணலாம்.
கற்றது தமிழ், ஈ, கோ, என சினிமாவில் பல கதாபாத்திரங்களை ஏற்று நடித்த ஜீவா தமிழ் சினிமாவில் தனக்கென்று தனி இடத்தை தக்க வைத்துக்கொண்டுள்ளார். அவரை தற்போது விளம்பர வாய்ப்புகள் தேடி வந்துள்ளன. டிஷ் டிவியின் தென்னிந்திய விளம்பர தூதுவராக ஜீவா நியமிக்கப்பட்டிருக்கிறார்.
அறிமுக விழாவில் பேசிய டிஷ் டிவியின் தலைமை செயல் அதிகாரி சி.ஆர் வெங்கடேஷ், ஜீவா சிறந்த ட்ரெண்ட் செட்டர் என்றார் அவரை விளம்பர தூதுவராக நியமித்துள்ளதற்கு பெருமை அடைகிறோம் என்றும் கூறினார்.
வட இந்தியாவின் விளம்பர தூதுவராக ஏற்கனவே நியமிக்கப்பட்டிருப்பவர் பிரபல இந்தி நடிகர் ஷாருக்கான். அவரைப்போல புகழ் பெறவேண்டும் என்பது தனது லட்சியம் என்று விழாவில் பங்கேற்ற ஜீவா கூறினார்.
டிஷ் டிவி ஆசியாவிலேயே மிகச்சிறந்த மார்க்கெட்டினை தக்க வைத்துக்கொண்டுள்ளது. அந்த நிறுவனத்தின் தென்னிந்திய விளம்பரத் தூதுவராக நியமிக்கப்பட்டிருப்பதற்கு பெருமை அடைகிறேன். வடக்கே நடிப்பில் கலக்கும் அவர் அளவுக்கு தமிழ்நாட்டில் நானும் புகழ் பெற வேண்டும் என்ற ஆசை காரணமாகவே தென்னிந்திய விளம்பர தூதர் பொறுப்பை ஏற்றுக் கொண்டேன் என்றும் ஜீவா கூறினார்.
Post a Comment