அழகான பெண்கள் லாயராக நடித்தால் எப்படி இருக்கும்? அந்த தொடரை ஆவலாய் பார்க்க ஆரம்பித்துவிடுவார்கள். சினிமாவில் இருந்து சின்னத்திரைக்கு வந்த அனுஜா ஐயர் விஜய் டிவியில் இரவு பத்துமணிக்கு ஒளிபரப்பாகும் தர்மயுத்தம் தொடரில்
லாயர் கோட் போட்டு கம்பீரமாக வருகிறார். அந்த உடையை அணியும் போதே தானாகவே மனதில் கம்பீரம் ஒட்டிக்கொள்கிறாதாம் அனுஜாவிற்கு தன்னுடைய சின்னத்திரை அனுபவங்களை நம்மிடையே பகிரிந்து கொள்கிறார் கேளுங்களேன்.
சென்னையில் பள்ளிப்படிப்பை முடித்தாலும் டெல்லியில் தான் அட்வர்டைஸிங் அன்டு பப்ளிக் ரிலேசனில் மாஸ் கம்யூனிகேசன் படித்தேன். மாடலிங் வாய்ப்போடு சினிமாவும் தேடி வந்தது. உன்னைப்போல் ஒருவன் சினிமாவில் ரிப்போர்ட்டராக நடிக்கும் போதே ஒரு கையில் சிகரெட்டும் மறுகையில் மைக்குமாக தில்லாக நடித்து இருந்தேன். அது பரபரப்பாக பேசப்பட்டது. இப்பொழுது அதேபோல் தில்லான கேரக்டர் சின்னத்திரையில் அமைந்திருக்கிறது.
தர்மயுத்தம் தொடரில் கார்த்திக்குக்கு ஜோடியாக நடிக்கிறேன். இது சீரியல் என்பதை விட சீரியஸான தொடர் என்றே சொல்லனும். காலை 9 மணிக்கு தொடங்கி இரவு 9 மணி வரைக்கும் கூட சூட்டிங் போனாலும் சோர்வே தெரியாது அந்த அளவுக்கு வேகமாக போகும். அதனால்தான் எங்கள் டீம் இதனை சீரியஸ் என்று சொல்லுவோம்.
ஏழு வருடங்களாக குடும்ப விசயம் ஒன்றிர்க்காக கோர்டுக்கு போனது இப்போது சீரியலில் நடிக்க ஈஸியாக இருக்கிறது என்கிறார் அனுஜா. சின்னத்திரை தொடர்களிலேயே இந்த தொடர்தான் 5 டி கேமராவில் ஷூட் செய்யப்படுகிறது. இது மாறுபட்ட ஃபார்மேட் என்பதால்தான் இந்த தொடரில் நான் கமிட் செய்து கொண்டேன்.
இந்த தொடரைப் பார்த்துவிட்டு என் நண்பர்கள் வட்டாரத்தில் இருந்து பாராட்டுக்கள் குவிகின்றன. சீரியலுக்காகத்தான் கறுப்பு கோட்டை அணிகிறேன் என்றாலும் மனதில் தானாகவே ஒரு கம்பீரம் வந்து ஒட்டிக்கொள்கிறது என்று கூறிவிட்டு ஷூட்டிங்கிற்கு தயாரானார் அழகு அனுஜா.
Post a Comment