ஏஞ்சல் பிலிம் இன்டர்நேஷனல் சார்பில் பெரோஸ்கான் தயாரித்து இயக்கும் படம், 'கீரிப்புள்ள'. யுவன், திஷா பாண்டே நடிக்கிறார்கள். தவசிராஜ் சண்டைக் காட்சிகளை அமைத்துள்ளார். இதன் சண்டை காட்சிகள் வெளியீட்டு விழா சென்னையில் நடந்தது. சண்டைக் காட்சிகளை மேடையில் நடத்தி காட்டினார்கள். ஹீரோ யுவன் வில்லன்களோடு நேரடியாக மேடையில் சண்டைபோட்டார். பின்னர் அந்தக் காட்சிகளை இயக்குனர் பிரபுசாலமன் வெளியிட்டார். பின்னர் பெரோஸ்கான் நிருபர்களிடம் கூறும்போது, 'பொதுவாக பாடல் காட்சிகள்தான் வெளியிடப்படும். ஒரு மாற்றத்துக்காக சண்டைக் காட்சிகளை நடத்தி காட்டி, வெளியிட்டுள்ளோம். எந்த சண்டைக் காட்சியிலும் டூப்பை பயன்படுத்தவில்லை என்பதை நிரூபிக்கவும், ஹீரோ யுவனுக்கு அனைத்து சண்டைக் கலையும் தெரியும் என்பதை காட்டவும் இந்த நிகழ்ச்சி நடத்தப்பட்டது' என்றார்.
Post a Comment