கொச்சி : சில்க் ஸ்மிதாவின் வாழ்க்கை வரலாற்றுப் படத்தின் ரிலீஸ், சனா கானால் தள்ளிப்போகிறது. சில்க் ஸ்மிதாவின் வாழ்க்கை வரலாறு 'கிளைமாக்ஸ்' என்ற பெயரில் மலையாளத்தில் தயாராகி உள்ளது. இதில் சில்க் ஸ்மிதாவாக சனாகான் நடித்துள்ளார். அணில் இயக்கியுள்ள இந்தப் படம் இந்த மாதம் ரிலீஸ் ஆவதாக இருந்தது. ஆனால், 'பிக்ஸ் பாஸ் 6' நிகழ்ச்சியில் சனா கான் பங்கேற்றுள்ளதால், பட ரிலீஸ் அடுத்த மாதத்துக்கு தள்ளி வைக்கப்பட்டுள்ளது. 'இந்த படத்தின் புரமோஷனுக்கு சனா கான் முக்கியம். கடந்த ஒரு மாதமாக அவர் இல்லாததால் படத்தை விளம்பரப்படுத்த முடியவில்லை. இதனால் படத்தின் ரிலீஸை அடுத்த மாதத்துக்கு தள்ளி வைத்துள்ளோம். அதற்குள் சனா வந்துவிடுவார் என நம்புகிறோம்' என்று பட யூனிட்டில் தெரிவித்தனர். படத்தின் கதையை எழுதிய கலூர் டென்னிஸ் கூறும்போது, 'இந்த மாதம் ஒன்பது படங்கள் ரிலீஸுக்கு காத்திருக்கிறது. சமீபத்தில் ஏற்பட்ட தியேட்டர் ஸ்டிரைக்கும் பட வெளியீட்டுக்கு தடங்கலை ஏற்படுத்தி உள்ளது. அதனால் இதன் ரிலீசை அடுத்த மாதம் தள்ளி வைத்துள்ளோம். அதற்குள் சனாவும் வந்துவிடுவார்' என்றார்.
Post a Comment