பூஜா காந்தி திருமண நிச்சயதார்த்தம் பெங்களூரில் நேற்றுமுன்தினம் நடந்தது.பஞ்சாபை சேர்ந்தவர் பூஜா காந்தி. தமிழில் 'கொக்கி', 'திருவண்ணாமலை', 'தலையெழுத்து' படங்களில் நடித்தார். 'முங்காருமலே' படம் மூலம் கன்னடத்தில் நுழைந்தார். இந்தப் படம் ஹிட்டானதை அடுத்து, தொடர்ந்து நடித்தார். சில மாதங்களுக்கு முன் மதசார்பற்ற ஜனதா தள கட்சியில் இணைந்தார். அவரை மாநில மகளிரணி தலைவியாக அதன் தலைவர் குமாரசாமி நியமனம் செய்தார். இந்நிலையில் தொழிலதிபரும், மஜத இளைஞரணி பிரமுகருமான ஆனந்த் கவுடாவுடன் பூஜா காந்திக்கு நட்பு ஏற்பட்டது. இருவரும் திருமணம் செய்து கொள்ள முடிவு செய்தனர். இதையடுத்து, நேற்றுமுன்தினம் காலை பெங்களூர் கத்ரிகுப்பே பகுதியில் உள்ள பூஜாகாந்தி வீட்டில் நிச்சயத்தார்த்தம் நடந்தது. இவர்கள் திருமணம் அடுத்தாண்டு மார்ச் அல்லது ஏப்ரல் மாதம் நடக்கும் என்று தெரிகிறது. ஆனந்த் கவுடா, நடிகை சரோஜாதேவியின் பேத்தி இந்திராவை திருமணம் செய்து விவாகரத்துப் பெற்றவர் என்பது குறிப்பிடத்தக்கது.
Post a Comment