மும்பை : வித்யா பாலன் திருமணம், தமிழ் மற்றும் பஞ்சாபி முறைப்படி நடக்கிறது. பிரனீதா, பா, கஹானி மற்றும் சில்க் ஸ்மிதாவின் வாழ்க்கை வரலாறான, 'தி டர்ட்டி பிக்சர்' உட்பட பல்வேறு படங்களில் நடித்தவர் வித்யா பாலன். பாலக்காட்டைச் சேர்ந்தவர். இவர், யுடிவி நிறுவனத்தின் சித்தார்த் ராய் கபூரை காதலித்து வந்தார். இவர்கள் திருமணத்துக்கு இரு வீட்டிலும் சம்மதம் தெரிவித்ததை அடுத்து அடுத்த மாதம் 14,ம் தேதி மும்பையில் திருமணம் நடக்க இருப்பதாகக் கூறப்படுகிறது. இதற்கான ஏற்பாடுகளை இரண்டு குடும்பங்களில் செய்து வருகின்றன. திருமணம், வித்யா பாலன் உறவினர்களுக்காக தமிழ் முறைப்படியும் சித்தார்த் ராய் கபூருக்காக பஞ்சாபி முறைப்படியும் நடக்க இருக்கிறது. திருமணம் நடக்கும் இடம் இன்னும் முடிவு செய்யப்படவில்லை என்று கூறப்படுகிறது.
Post a Comment