சென்னை : 'என்னவளே', 'ஜூனியர் சீனியர்', 'வேலை' படங்களை இயக்கிய ஜே.சுரேஷ், 'பாரசீக மன்னன்' படத்தை இயக்கி, இசையமைத்து, ஹீரோவாக நடிக்கிறார். ரிச் ஆர்ட் புரொடக்ஷன்ஸ் சார்பில் கே.ஜே.பாலகிருஷ்ணன், கே.ஜே.திலீப்குமார் தயாரிக்கின்றனர். ஸ்ருதி லட்சுமி ஹீரோயின். ஒளிப்பதிவு, நூதலபட்டி பிரகாஷ். இசை மேற்பார்வை, யுவன்சங்கர்ராஜா. பாடல்கள்: பேரரசு, பா.விஜய், உதய். படம் பற்றி ஜே.சுரேஷ் கூறும்போது, 'குழந்தை கடத்தல் பற்றிய கதை. கடத்தல்காரர்களின் பின்னணி மற்றும் கடத்தப்பட்ட குழந்தைகள் எப்படியெல்லாம் துன்புறுத்தப்படுகிறார்கள் என்பதை சொல்லும் திரைக்கதை. படத்தில் வளைகுடா நாட்டிலிருந்து இங்கு செட்டிலானவன் என்பதால், நண்பர்கள் என்னை பாரசீக மன்னன் என்று அழைப்பார்கள். அதையே டைட்டிலாக்கி விட்டேன்' என்றார்.
Post a Comment