சென்னை: தெலுங்கு படத்தில் நடிக்கிறார் பிரியங்கா சோப்ரா. இந்தி, தெலுங்கு இருமொழி யில் உருவாகும் படம் 'ஸன்ஜீர். இதில் ஹீரோயினாக நடிக்கிறார் பிரியங்கா சோப்ரா. இது பற்றி அவர் கூறியதாவது: தென்னிந்திய படங்களுக்கும் எனக்கும் தொடர்பு இருக்கிறது. எனது 18 வயதில் தமிழில் விஜய் நடித்த 'தமிழன்Õ படத்தில் ஹீரோயினாக நடித்தேன். அந்த படத்தில் சொந்த குரலில் ஒரு பாடல்கூட பாடி இருக்கிறேன். இந்தி படங்களில் என்னைப் பாடச் சொல்லி கேட்கிறார்கள். தற்போது இசை ஆல்பம் உருவாக்கி வருகிறேன். அது ரிலீஸ் ஆன பிறகு இந்தியில் பாடுவேன். என்னைப் பொறுத்தவரை மொழி ஒரு தடை அல்ல. எந்த மொழியில் பாடச் சொன்னாலும் பாட முடியும். கன்னடத்தில் பாடக் கேட்டாலும் ஓகேதான். தற்போது நடித்து வரும் 'ஸன்ஜீர் இந்தி, தெலுங்கு இருமொழிகளில் உருவாகிறது. ஒரே நேரத்தில் இரண்டு மொழிகளிலும் நடித்து வருகிறேன். இந்தியில் முன்பு போல் பிசியாக நடிக்கவில்லையே என கேட்கிறார்கள். நிறைய வாய்ப்புகள் வருகிறது. அதில் தேர்ந்தெடுத்து நடித்து வருகிறேன். 10 படங்களில் நடித்து 8 ஃபிளாப் தருவதில் உடன்பாடில்லை. 3 படத்தில் நடித்தாலும் மூன்றுமே ஹிட்டாக வேண்டும்.
Post a Comment