சார்மிக்கு முத்தம் கொடுக்க பாய்ந்த விவேக் ஓபராய் தவறி விழுந்ததில் முட்டி பெயர்ந்தது. பாலிவுட் ஹீரோ விவேக் ஓபராய், 'ஜில்லா காசியாபாத் என்ற படத்தில் நடித்து வருகிறார். சார்மி ஜோடி. இப்படத்தின் ஷூட்டிங் மும்பையில் நடந்தது. விவேக் ஓபராய், சார்மி காதல் காட்சி படமாக்க இயக்குனர் திட்டமிட்டார். காட்சிப்படி, காதல் டூயட் பாடியபடி மோட்டார் சைக்கிள் ஓட்டும் விவேக், நடந்து செல்லும் சார்மியை பாய்ந்து முத்தமிட வேண்டும். கேமரா சுழல தொடங்கியதும் காட்சி தொடங்கியது. மோட்டார் சைக்கிளில் டூயட் பாடியபடி பறந்த ஓபராய் அருகிலிருந்த சார்மிக்கு முத்தம் கொடுப்பதற்காக பாய்ந்தார். அப்போது நிலை தடுமாறினார். கீழே விழுந்ததில் அவரது கால்முட்டியில் பலத்த காயம் ஏற்பட்டு ரத்தம் கொட்டியது. இதில் அதிர்ஷ்டவசமாக சார்மி காயமின்றி தப்பினார். ஓபராய் காயம் அடைந்ததை பார்த்து பட குழுவினர் பதறினர். உடனடியாக ஷூட்டிங் நிறுத்தப்பட்டது. படப்பிடிப்பு தளத்துக்கு டாக்டர் அழைத்து வரப்பட்டார். அவர் ஓபராய்க்கு சிகிச்சை அளித்தார். இந்த சம்பவத்தால் 3 மணி நேரம் ஷூட்டிங் பாதிக்கப்பட்டது.
Post a Comment