தமிழ், தெலுங்கு உள்ளிட்ட தென்னிந்திய படங்களில் புதிய படங்கள் எதையும் ஏற்காமல் பாலிவுட்டில் கவனம் செலுத்துகிறார் தமன்னா. தமிழில் 'அயன்', 'பையா' உள்ளிட்ட பல படங்களில் நடித்த தமன்னா திடீரென்று தெலுங்கு படங்களில் கவனத்தை திருப்பினார். இதையடுத்து கடந்த 2 வருடமாக புதிதாக தமிழ் படங்கள் ஒப்புக்கொள்ளவில்லை. டோலிவுட் படங்களில் மட்டுமே கவனம் செலுத்தி வந்தார். இப்போது டோலிவுட்டில் புதிய படங்களை ஏற்காமல் கால்ஷீட்டை முடக்கி வைத்திருக்கிறார். தெலுங்கில் ஏற்கனவே ஒப்புக்கொண்ட 'பலே தம்முடு என்ற படத்தில் நடிக்க உள்ளார். இதன் ஷூட்டிங் தொடங்கவுள்ளது. இது தவிர புதிய படங்களில் நடிக்க வந்த வாய்ப்பை ஏற்காமல் காத்திருப்பில் வைத்திருக்கிறார். இதற்கு காரணம் அவர் தனது கவனத்தை இந்தி படங்களில் திருப்பி இருப்பதுதானாம். 'ஹிம்மத்வாலா படத்தில் அவர் முழுகவனம் செலுத்தி நடித்து வருகிறார். மேலும் ஒரு புதிய இந்த¤ படத்தை அவர் ஏற்றிருப்பதாக தெரிகிறது. இதையடுத்து வரவுள்ள இந்தி பட வாய்ப்புகளை ஏற்கும் வகையில் தென்னிந்திய படங்களை ஏற்க மறுப்பதாக கூறப்படுகிறது. அசினைப்போல் தமன்னாவும் தென்னிந்திய படங்களுக்கு முழுக்கு போட்டுவிட்டு பாலிவுட்டிலேயே கவனம் செலுத்துவாரா என்பது விரைவில் தெரிந்துவிடும் என்று தென்னிந்திய படவுலகினர் கூறுகின்றனர்.
Post a Comment