ரஜினி - கமல் நடிப்பில் வெளியாகி தமிழ் சினிமாவின் முக்கியப் படமாகத் திகழும் நினைத்தாலே இனிக்கும் மீண்டும் வெளியாகிறது.
பழைய படங்கள் புதிய மெருகில் வெளிவந்து வெற்றி பெறுவதைப் பார்த்து, இப்போது மேலும் அதுபோன்ற முயற்சிகளை எடுத்து வருகின்றனர்.
இந்த வரிசையில் நினைத்தாலே இனிக்கும் படத்தை டிஜிட்டலில் புதுப்பித்து வெயிடப் போகிறார்களாம். கர்ணன் படம் வெளியானபோதே இதற்கான முயற்சிகளில் இறங்கிவிட்டனர். இப்போது அந்த வேலைகள் இறுதிக் கட்டத்தை எட்டியுள்ளன.
கே பாலச்சந்தர் இயக்கத்தில் 1979-ல் வெளியான படம் இது. பாடல்கள் அனைத்தும் பட்டி தொட்டியெங்கும் பரபரப்பாக ஹிட்டாகின.
இதற்கான பணிகள் மும்பை ஸ்டுடியோக்களில் நடந்து முடிந்துள்ளன. படத்தை வரும் மார்ச் மாதம் வெளியிடவிருக்கிறார்களாம்.
இந்தப் படத்தின் குழுவினரை கவுரவிக்கும் வகையில் வரும் ஜனவரி 21-ல் பெரிய விழா ஒன்றை எடுக்க உள்ளார்கள். இதில் பங்கேற்க ரஜினி, கமல், பாலச்சந்தர், எம்எஸ் விஸ்வநாதன் உள்ளிட்டோரை அழைத்துள்ளார்களாம்.
Post a Comment