டெல்லி: இசைஞானி இளையராஜா, கடம் வித்வான் விக்கு விநாயக் ராம் உள்ளிட்ட 36 பேருக்கு சங்கீத் நாடக அகாடமி விருது கிடைத்துள்ளது.
இசை, நாட்டியம், நாடகம், பொம்மலாட்டம் ஆகிய கலைத்துறைகளில் சிறந்து விளங்கும் கலைஞர்களுக்கு ஆண்டு தோறும் சங்கீத் நாடக அகாடமி விருதுகள், மற்றும் சங்கீத் நாடக அகாடமி சிறப்பு விருதுகள் வழங்கப்படுகின்றன.
2012ம் ஆண்டுக்கான விருதுகள் நேற்று அறிவிக்கப்பட்டது. இதில் இளையராஜா உள்ளிட்ட 36 பேருக்கு சங்கீத் நாடக அகாடமி விருது கிடைத்துள்ளது. இசைத் துறையில் புதுமைகளை புகுத்தி சாதனை படைத்ததற்காக இளையராஜா சங்கீத் நாடக அகாடமி விருதுக்கு தேர்ந்து எடுக்கப்பட்டு இருக்கிறார்.
இளையராஜா உள்ளிட்ட விருது பெறுவோருக்கு தலா ரூ. 1 லட்சம் ரொக்கப் பரிசு, தாமிரப் பட்டயம், அங்கவஸ்திரம் ஆகியவை பரிசாக வழங்கப்படும்.
சங்கீத நாடக அகாடமி சிறப்பு விருதுக்கு பிரபல கடம் வித்வான் டி.எச்.விநாயக்ராம், வயலின் இசைக்கலைஞர் என்.ராஜம், ரத்தன் தியாம் உள்பட 40 கலைஞர்கள் தேர்வு செய்யப்பட்டு இருக்கிறார்கள். இவர்களுக்கு தலா ரூ.3 லட்சம் ரொக்கப்பரிசு, தாமிரபட்டயம், அங்கவஸ்திரம் ஆகியவை வழங்கப்படும் என்று அறிவிக்கப்பட்டு உள்ளது.
Post a Comment