சென்னை: தனது அடுத்த படத்துக்கு எந்த பழைய படத்தின் தலைப்பும் வேண்டாம். புதிய தலைப்பை யோசித்து வையுங்கள் என்று இயக்குநர் விஜய்க்கு நடிகர் விஜய் கண்டிப்பாக சொல்லிவிட்டாராம்.
இயக்குநர் விஜய்யும் நடிகர் விஜய்யும் முதல் முறையாக இணைந்து நடிக்கும் படத்தின் ஷூட்டிங் சமீபத்தில் தொடங்கி நடந்து வருகிறது.
இந்தப் படத்துக்கு இன்னும் தலைப்பு வைக்கப்படவில்லை. பொதுவாக விஜய் படங்கள் முதலில் தலைப்பு அறிவிக்கப்படும். அடுத்துதான் படப்பிடிப்பு ஆரம்பிக்கும்.
எனவே சீக்கிரமே தலைப்பை அறிவிக்கும் முயற்சியில், பல்வேறு தலைப்புகளை யோசித்து வந்தனர்.
முதலில் தலைவன் என்ற தலைப்பை அறிவித்தனர். ஆனால் அதை ஜெஜெ டிவி பாஸ்கரன் தன் படத்துக்கு வைத்து, துப்பாக்கியுடன் போஸெல்லாம் கொடுத்திருந்தார்.
இதனால் ரஜினியின் படத்தலைப்பான தங்கமகன் என்ற பெயரைச் சூட்ட முடிவு செய்தனர். ஆனால் இது அறிவிப்பாக வரும் முன்னரே ஏக எதிர்ப்பு. இந்தத் தலைப்புக்கு சொந்தக்காரரான சத்யா மூவீசும் முதலில் சம்மதித்து, பின் மறுத்துவிட்டது.
ரஜினியின் வேறு படத் தலைப்புகளை வைக்கலாமா... தர்மத்தின் தலைவன் தலைப்பை எடுக்க அனுமதி கோரலாமா என்றெல்லாம் யோசித்தனராம்.
ஆனால், இது நிச்சயம் ரசிகர்கள் மத்தியில் சலசலப்பைக் கிளப்பும் என்பதால், வேண்டாம் என விட்டுவிட்டார்களாம்.
'ஆனது ஆச்சு.. ஷூட்டிங் முடியறதுக்குள்ளவாவது ஒரிஜினல் தலைப்பு சொல்லுங்க, அது போதும்' என்று கூறிவிட்டாராம் விஜய்.
+ comments + 5 comments
thanga magan superstar rajni only
tharmathin thalaivan rajni rockzzzzzzzzzzzzzzzzzzzz
one and only superstar rajni
real thalapathy superstar rajni don don.........by thalapathy rajni fans
superstar rajni rockzzzzzzzzzzzzzzzzzzz
Post a Comment