தமிழில் சிலந்தி படம் மூலம் கவர்ச்சியில் கலக்கிய மோனிகா கன்னட திரை உலகில் ‘கல்லா மல்லா சுள்ளா' படத்திலும் கவர்ச்சியாக நடித்தார். இதனால் அவருக்கு தமிழ், கன்னடம், மலையாளத்திலும் கவர்ச்சி வாய்ப்புகள் குவிகிறதாம்.
தமிழ் படத்தில் குழந்தை நட்சத்திரமாக அறிமுகமான மோனிகா, குமரியான உடன் அழகி படத்தில் நடித்தார். பின்னர் குடும்பப் பாங்கான வேடங்களில் தலை காட்டிய அவருக்கு வாய்ப்புகள் வரவில்லை. இதனால் சிலந்தி படத்தில் கவர்ச்சி காட்டினார். இதனால் கன்னட வாய்ப்பு கிடைத்தது.
கன்னடத்தில் வெளியான படம் கல்லா மல்லா சுள்ளா. ரவிச்சந்திரன், ரமேஷ் அரவிந்த் என ஏகப்பட்ட பேர் நடித்த படம். படத்தில் கவர்ச்சிக்கும், காமெடிக்கும் நிறைய முக்கியத்துவம் கொடுத்திருந்தனர். படத்தில் நம்ம ஊர் மோனிகாவும் நடித்திருந்தார். இதில் கவர்ச்சியாகவே நடித்திருந்தார். இதற்காக அவருக்கு அவர் கேட்ட கூடுதல் சம்பளத்தையும் கொடுத்தார்களாம். இப்போது கை மேல் பலனாக கன்னடத்தில் புதிய பட வாய்ப்புகள் அவருக்குக் கிடைத்துள்ளதாம்.
அதேபோல் மலையாளப் பட உலகிலும் வாய்ப்புகள் கதவை தட்டி வருகிறதாம். இதேபோல எங்களது படத்திலும் கவர்ச்சியாக நடியுங்கள் என்று அன்புக் கோரிக்கையும் விடுக்கிறார்களாம்.
Post a Comment