சென்னை: விஸ்வரூபம் படத்தின் பிரிமியர் காட்சி நாளை மறுநாள் லாஸ் ஏஞ்சல்ஸ் நகரில் நடக்கிறது.
இந்தக் காட்சியில் பங்கேற்க கமல்ஹாஸன் நேற்று மாலை அமெரிக்கா புறப்பட்டுச் சென்றார்.
பல்வேறு சர்ச்சைகளுக்குப் பிறகு ஒருவழியாக கமலின் விஸ்வரூபம் படம் வரும் ஜனவரி 25-ம் தேதி வெளியாகிறது.
தமிழகத்தில் கிட்டத்தட்ட 400 அரங்குகளில் இந்தப் படம் வெளியாகிறது. படத்துக்கு அட்வான்ஸ் புக்கிங்கும் தொடங்கியுள்ளது.
இந்தப் படத்தின் பிரிமியர் ஷோவை நாளை மறுநாள் அமெரிக்காவில் உள்ள லாஸ் ஏஞ்சல்ஸ் நகரில் நடத்துகிறார் கமல்ஹாஸன். ஹாலிவுட் தியேட்டர் க்ரோவ்-ல் இந்தக் காட்சி நடக்கிறது.
இதில் ஹாலிவுட் நடிகர்கள், தொழில்நுட்ப கலைஞர்கள் கலந்து கொண்டு படத்தைப் பார்க்கின்றனர். பிரபல ஹாலிவுட் பட தயாரிப்பாளர் பேரி ஆஸ்போர்ன் இதற்கான ஏற்பாடுகளைச் செய்துள்ளார்.
Post a Comment