தமிழில் கொடி கட்டிப் பறந்து, ஒரு காதல் விவகாரத்தால் தெலுங்கு தேசத்துக்குப் போன தமன்னா, இப்போது இந்தியில் ஏக பிஸி.
தமன்னாவின் முதல் இந்திப் படம் ஹிம்மத்வாலா. இதில் அவருக்கு ஜோடி அஜய் தேவ்கன். சஜித் கான் இயக்கத்தில் உருவாகியுள்ள இந்தப் படம் விரைவில் வெளியாகவிருக்கிறது.
இந்தப் படத்தில் தமன்னா கங்னம் ஸ்டைலில் நடனமாடி அசத்தியுள்ளார். கவர்ச்சியில் பாலிவுட் நடிகைகளே மிரளும் அளவுக்கு தாராளம் காட்டியுள்ளாராம்.
இதன் விளைவு, தமன்னாவைத் தேடி மிகப் பெரிய அடுத்த வாய்ப்பு வந்துள்ளது. இந்தப் படத்தில் அவருக்கு ஜோடி அக்ஷய் குமார். இன்னும் பெயரிடப்படாத இந்தப் படத்தை டிப்ஸ் நிறுவனத்தின் ரமேஷ் தௌரானி தயாரிக்க, சஜித் - பர்ஹாத் இரட்டையர்கள் நடிக்கிறார்கள். இந்த ஆண்டு இறுதியில் படம் தொடங்குகிறது.
இப்போதைக்கு தமன்னா தமிழில் ஒரே ஒரு படத்தில்தான் நடிக்கிறார். இதில் அவருக்கு ஜோடி அஜீத்!
இங்கிருந்து போன அசின் உள்ளிட்ட நடிகைகள் தங்களுக்கென ஒரு இடத்தைப் பிடிக்க போராடி வரும் நிலையில், போன வேகத்தில் அடுத்தடுத்து இரு பெரிய படங்களில் தமன்னா நடிப்பது குறிப்பிடத்தக்கது. ஆனால் அவர் பிறந்தது வட இந்தியாவில் என்பதால் இது எளிதில் சாத்தியமாகியுள்ளதையும் மறுப்பதற்கில்லை.
Post a Comment