சென்னை: சத்யம் திரையரங்கில் நடந்த விஸ்வரூபம் சிறப்புக் காட்சியில் தமிழ் சினிமா நட்சத்திரங்கள் திரண்டு வந்து பார்த்து மகிழ்ந்தனர்.
இந்தக் காட்சியின்போது, படத்தின் இயக்குநர் - ஹீரோ கமல்ஹாஸன் அனைவரையும் வரவேற்று, அவர்களுடன் படம் பார்த்தார்.
விஸ்வரூபம் படம் இன்று தமிழகம் முழுவதும் 500-க்கும் மேற்பட்ட திரையரங்குகளில் வெளியாகிறது. சென்னை நகரில் 30 அரங்குகளிலும், புறநகர்களில் 20 அரங்குகளிலும் வெளியாகிறது.
திரையுலகினருக்காக இந்தப் படத்தின் சிறப்புக் காட்சி நேற்று இரவு சத்யம் சினிமாஸ் அரங்கில் நடந்தது.
நடிகர் சங்கத் தலைவர் சரத்குமார், இயக்குநர்கள் விக்ரமன், ஆர்கே செல்வமணி, நடிகர் - இயக்குநர் சேரன், பார்த்திபன், சந்தானபாரதி, நடிகர் ஜெயராம், அவர் மனைவி நடிகை பார்வதி மற்றும் குழந்தைகள், இசையமைப்பாளர்கள் யுவன்சங்கர் ராஜா மற்றும் கார்த்திக்ராஜா, விவேக், நடிகைகள் குஷ்பு, ஸ்ரீப்ரியா, ராதிகா, மும்தாஜ், சுஹாசினி, நடிகர்கள் சாருஹாஸன், எஸ்வி சேகர், சிபிராஜ் உள்பட பலர் இந்த காட்சிக்கு வந்திருந்தனர்.
Post a Comment