பிரசாத் என்ற கன்னடப் படத்தில் நடித்ததற்காக அர்ஜுனுக்கு கர்நாடக அரசின் சிறந்த நடிகர் விருது கிடைத்துள்ளது.
கன்னடத்தில் கடந்த ஆண்டு வெளியான படம் பிரசாத். இளையராஜா இசையில், மனோஜ் சாத்தி இயக்கியிருந்தார். மாதுரி பட்டாச்சார்யா ஹீரோயினாக நடித்திருந்தார்.
பிரபல தொழிலதிபர் அசோக் கெனி தயாரித்த படம் இது. ரஜினி உள்ளிட்டவர்கள் இந்தப் படத்தை ஏற்கெனவே பாராட்டியிருந்தனர்.
இந்தப் படம் பெர்லின் திரைப்பட விழாவிலும் திரையிடப்பட்டது. இப்போது கர்நாடக அரசின் சிறந்த நடிகருக்கான விருது, படத்தின் நாயகன் அர்ஜூனுக்குக் கிடைத்துள்ளது.
இதுகுறித்து நடிகர் அர்ஜூன் கூறுகையில், "பிரசாத் என் திரையுலக வாழ்க்கையில் மறக்க முடியாத படம். எனக்குப் பிடித்த படம். இந்த விருது மிகுந்த மகிழ்ச்சியைத் தருகிறது," என்றார்.
Post a Comment