தேனி: தேனி அருகே திரைப்படக்குழுவின் வாகனம் மீது கார் மோதிய விபத்தில் ஒருவர் உயிரிழந்தார். இருவர் படுகாயமடைந்தனர்.
தேனியில் இருந்து சினிமா படப்பிடிப்பிற்காக கம்பம் நோக்கிச் சென்ற கேரவன் வாகனம் மீது, எதிர்திசையில் வேகமாக வந்த கார் மோதியது. இதில்,கேரவன் வேனின் அடியில் கார் சிக்கிக்கொண்டது. உடனடியாக தீயணைப்புத்துறைக்கும் போலீசாருக்கும் தகவல் தெரிவிக்கப்பட்டதை அடுத்து அவர்கள் சுமார் 2 மணி நேரம் போராடி காரை மீட்டனர். இதில் காரில் இருந்த ஒருவர் உயிரிழந்தார். இரண்டுபேர் காயமடைந்தனர். அவர்கள் உடனடியாக தேனி அரசு மருத்துவமனைக்கு அனுப்பிவைக்கப்பட்டனர்.
இந்த விபத்து காரணமாக கம்பம் சாலையில் சுமார் 2 மணிநேரம் போக்குவரத்து பாதிக்கப்பட்டது.இந்த விபத்து குறித்து வீரபாண்டி காவல்துறையினர் விசாரணை நடத்தி வருகின்றனர்.
Post a Comment