சென்னை: ரசிகர்கள் மிக ஆவலுடன் எதிர்ப்பார்த்த கோச்சடையான் படத்தில் ரஜினியின் புதிய ஸ்டில்லை நேற்று வெளியிட்டார் படத்தின் இயக்குநரான சௌந்தர்யா.
இந்தப் படத்தில் தந்தை - மகன் என இரு வேடங்களில் நடிக்கிறார் ரஜினி. அதாவது அவதார் படத்தைப் போல ரஜினியை மோஷன் கேப்சரிங் செய்து அவரது புதிய உருவத்தை உருவாக்கியிருக்கிறார்கள்.
இதுவரை இந்தப் படத்திலிருந்து இரண்டு ஸ்டில்களை மட்டுமே இயக்குநர் சௌந்தர்யா வெளியிட்டிருந்தார்.
இப்போது மூன்றாவது ஸ்டில்லை நீண்ட இடைவெளிவிட்டு ரிலீஸ் செய்துள்ளார். இந்த புதிய ஸ்டில் வெளியானதுமே ரசிகர்கள் மத்தியில் பெரும் பரபரப்பும் ஆர்வமும் ஏற்பட்டுள்ளது. சமூக இணையதளங்களில் நேற்றிலிருந்து இந்த ஸ்டில்தான் தீயாய் பரவிக் கொண்டிருக்கிறது.
Post a Comment