பாரதிராஜா இயக்கியுள்ள அன்னக்கொடி படத்துக்கு தணிக்கைக் குழு யு/ஏ சான்றிதழ் வழங்கியுள்ளது.
நீண்ட இடைவெளிக்குப் பிறகு பாரதிராஜா தனது மனோஜ் கிரியேஷன்ஸ் நிறுவனம் சார்பில் தயாரித்து இயக்கியிருக்கும் திரைப்படம் அன்னக்கொடி. இந்தப் படத்துக்கு முதலில் அன்னக்கொடியும் கொடிவீரனும் எனப் பெயரிட்டிருந்தார் பாரதிராஜா.
பின்னர் படத்தின் பெயரை அன்னக்கொடி என மாற்றிவிட்டார். இப்படத்தின் மூலம் லஷ்மன் நாராயண் நாயகனாக அறிமுகமாகிறார். அவருக்கு ஜோடியாக கார்த்திகா நடித்துள்ளார். மேலும் இவர்களுடன் பாரதிராஜா மற்றும் அவரது மகன் மனோஜ் முக்கிய கதாபாத்திரத்தில் நடித்துள்ளனர்.
ஜி.வி.பிரகாஷ் குமார் இசையமைத்துள்ளார். படப்பிடிப்பு அனைத்தும் முடிவடைந்த நிலையில் இப்படம் விரைவில் திரைக்கு வர உள்ளது. இதனிடையே அன்னக்கொடியும் கொடிவீரனும் படம் தணிக்கைக் குழு பரிந்துரைக்கு அனுப்பப்பட்டது. படம் பார்த்த தணிக்கைக் குழுவினர் படத்துக்கு யு/ஏ சான்றிதழ் கொடுத்துள்ளனர்.
Post a Comment