சென்னை: சமீபத்தில் திருமணம் செய்த இயக்குநர் சீமான் - கயல்விழி தம்பதிகளுக்கு இயக்குநர் பாரதிராஜா தன் இல்லத்தில் விருந்து வைத்தார்.
இயக்குநரும் நாம் தமிழர் கட்சியின் தலைமை ஒருங்கிணைப்பாளருமான சீமான், முன்னாள் அமைச்சர் காளிமுத்துவின் மகள் கயல்விழியை திருமணம் செய்தார்.
இந்த திருமணத்துக்கு வந்த அனைவருக்கும் பிரமாண்டமாக அசைவ விருந்து கொடுத்தார் சீமான்.
புதுமணத் தம்பதிகளான சீமானையயும் கயல்விழியையும் இப்போது நண்பர்களும் நலம் விரும்பிகளும் வீட்டுக்கு அழைத்து விருந்து கொடுக்க ஆரம்பித்துள்ளனர்.
இயக்குநர் பாரதிராஜ் தனது நீலாங்கரை வீட்டுக்கு கடந்த 6-ம் தேதி சீமானையும் அவர் மனைவியையும் அழைத்திருந்தார்.
ஆடு, கோழி, நண்டு, மீன் என அசைவத்தில் எத்தனை வகையிருக்கிறதோ அவ்வளவையும் சமைத்து விருந்தளித்தாராம் இயக்குநர்.
இந்த விருந்து பற்றித்தான் அக்கம்பக்கத்திலெல்லாம் ஒரே பேச்சாக இருக்கிறது இன்னும்!
Post a Comment