சென்னை: நட்சத்திரக் கிரிக்கெட்டின் சென்னை அணிக்கு துணைத் தூதராக சஞ்சிதா ஷெட்டி நியமிக்கப்பட்டுள்ளார்.
சி.சி.எல்.எனப்படும் செலிபிரிட்டி கிரிக்கெட் லீக் போட்டிகள் கடந்த மூன்று ஆண்டுகளாக நடந்து வருகின்றன. இந்தப் போட்டியில் தமிழ், தெலுங்கு, கன்னடம், மலையாளம், இந்தி உள்ளிட்ட திரையுலகை சேர்ந்த அணிகள் பங்கேற்று விளையாடி வருகிறார்கள். விரைவில் 4வது ஆண்டு சி.சி.எல்.போட்டிகள் நடக்கவிருக்கிறது.
சென்னை, புனே, ஐதராபாத், பெங்களூர் உள்ளிட்ட இடங்களில் இப்போட்டிகள் நடைபெறவிருக்கின்றன.
ஏற்கெனவே சென்னை அணிக்கு நடிகை த்ரிஷா விளம்பர தூதராக நியமிக்கப்பட்டுள்ள நிலையில் இப்போது நடிகை சஞ்சிதா ஷெட்டியும், சென்னை அணியின் துணை விளம்பர தூதராக நியமிக்கப்பட்டுள்ளார்.
கொள்ளைக்காரன், சூது கவ்வும், த வில்லா போன்ற படங்களில் நாயகியாக நடித்தவர் சஞ்சிதா ஷெட்டி என்பது குறிப்பிடத்தக்கது.
Post a Comment