ஆர்யா – விஜய் சேதுபதியில் யார் புறம்போக்கு?

Sunday, 8 December 2013 18:59 | Posted by Tamil

யார் புறம்போக்கு என்பதில் ஆர்யா, விஜய் சேதுபதி இடையே போட்டி நிலவியதாம்.

‘இயற்கை', ‘பேராண்மை' ஆகிய படங்களை இயக்கிய எஸ்.பி.ஜனநாதன் இயக்கும் புதிய படம் ‘புறம்போக்கு'.

இந்த படத்தை யூடிவி மோஷன் பிக்சர்ஸ் வழங்க, எஸ்.பி.ஜனநாதன் தனது சொந்த தயாரிப்பு நிறுவனம் பைனரி பிக்சர்ஸ் மூலமாக முதன்முதலாக தயாரிக்கிறார். இப்படத்தின் தலைப்பை பெரும் பிரச்சினைகளுக்கிடையே இப்படக்குழு வாங்கியுள்ளது.

இப்படத்தின் படப்பிடிப்பை வரும் ஜனவரி மாதம் குலு மணாலியில் தொடங்கவிருக்கிறார்கள். இந்த நிலையில், இந்த படத்தின் போட்டோஷுட் சென்னையில் சில நாட்களுக்கு முன்பு நடைபெற்றது. இதில் படத்தின் கதாநாயகர்களான ஆர்யாவும், விஜய் சேதுபதியும் கலந்து கொண்டனர்.

இந்த போட்டோஷுட்டின் போது விஜய்சேதுபதியிடம் ஆர்யா, படத்திற்கு புறம்போக்கு என பெயர் வைத்திருக்கிறார்கள். இதுல நான் புறம்போக்கா? இல்ல நீ புறம்போக்கா? என கேட்டிருக்கிறார்.

புறம்போக்கு நான்கூட இருக்கலாம், இல்ல நீங்ககூட இருக்கலாம் யார்னு சரியா தெரியல என விஜய் சேதுபதி கூறினாராம்.

ஜாலியாக பேசிக்கொண்டிருந்த இந்த இருவரிடமும், படத்தின் இயக்குனர் எஸ்.பி.ஜனநாதன் பொதுமக்களுக்கு பயன்படுகிற எல்லாமும், எல்லோரும் புறம்போக்குதான். இப்ப உங்க ரெண்டுபேர்ல யார் புறம்போக்குன்னு நீங்களே முடிவு பண்ணிக்கோங்க என்று சொன்னாராம்.